طريقة عمل البيتزا

طريقة عمل البيتزا

طريقة سهلة وبسيطة

اولا المقادير:

4 أكواب دقيق

كوب حليب دافىء+1.5ملعقة خميرة+1.5ملعقة سكر

0.5 كوب زيت

ملعقة زبادي

ذرة ملح

الطريقة بقى ازاي:

عندك الحليب هتدفيه شوية ونحط عليه السكر والخميرة ونسيبه على جمب يخمر شوية

هنحط الدقيق ونحط عليه باقي المقادير(الزيت—الملح—الزبادي)هنقلب الحاجات دي

وبعديها نحط اللي سيبناه يخمر

ونكمل تقليب(عجن)(اللي عنده عجانة يكون احسن)

نغطي العجين ونسيبه يخمر على جمب على ما نحضر اللي هنحطه على البيتزا

ايه بقى اللي هنحطه عليها:

ممكن تتعمل بالخضار(فلفل وطماطم و زيتون)

ممكن باللحم المفروم(لحم مفروم ونشوحه شوية على النار بالبصل والملح والفلفل)

ممكن بالتونة

وطبعا اللحم والتونة برضه بنضيف شوية خضار

بس انصح مع التونة محدش يحط طماطم

عندك بعد كدة:

هنفرد العجينة في صينية متوسطة(وعلى حسب كل واحد بيحب سمكها ازاي)

هندهن صلصة طماطم على الوش وبعدين نحط اللي احنا عاوزينه

هنحطها في الفرن في حدود 20 دقيقة ونتاكد انها استوت نغرز السكينة ونتأكد انها استوت

ـــــــــــــــــــــــــــ

يارب تعجبكو وتكون سهلة عليكو